पथविक्रेत्यांवर होणारा अन्याय खपवून घेणार नाही,अन्यथा आळंदी नगरपरिषदेवर उग्र आंदोलन छेडणार..!

Raju Tapal publisher September 02, 2026 201

पथविक्रेत्यांवर होणारा अन्याय खपवून घेणार नाही,अन्यथा आळंदी नगरपरिषदेवर उग्र आंदोलन छेडणार..!

लोकनेते भगवानराव वैराट साहेब सह आदरणीय बाबा कांबळे यांचा इशारा मुख्याधिकाऱ्यांकडून आठ दिवसांत निर्णयाचे आश्वासन

 गौतम पाटोळे

आळंदी:- आळंदी शहरातील पात्र पथविक्रेते व भाजी मंडईतील गाळाधारकांवर नगरपरिषद प्रशासनाकडून होत असलेला अन्याय कोणत्याही परिस्थितीत सहन केला जाणार नाही. भाजी मंडईला रस्त्याच्या बाजूने लोखंडी पत्रे (अडथळे) लावून गरीबांच्या पोटावर पाय मारण्याचा निर्णय प्रशासनाने तत्काळ मागे घ्यावा,अन्यथा नगरपरिषदेवर तीव्र व उग्र स्वरूपाचे आंदोलन छेडण्यात येईल,असा थेट इशारा महाराष्ट्र राज्य पथारी सुरक्षा दलाचे संस्थापक अध्यक्ष संघर्ष नायक लोकनेते भगवानराव वैराट साहेब सह महाराष्ट्र राज्य टपरी,पथारी,हाथगाडी पंचायत संस्थापक अध्यक्ष बाबा कांबळे यांनी दिला आहे. आज,१ सप्टेंबर २०२६ रोजी आळंदी नगरपरिषदेत पथविक्रेत्यांच्या प्रलंबित प्रश्नांवर मुख्याधिकारी महादेव खांडेकर साहेब यांच्यासोबत एक महत्त्वपूर्ण व वादळी बैठक पार पडली.

संघर्ष नायक लोकनेते भगवानराव वैराट साहेब सह आदरणीय बाबा कांबळे यांची भूमिका:

अन्याय सहन करणार नाही: गोरगरीब भाजी विक्रेते व कष्टकऱ्यांचा रोजगार हिरावून घेण्याचे काम पालिका करत असून हा अन्याय तीव्र संघर्षाने मोडून काढला जाईल.

अन्यायकारक निर्णय रद्द करा: भाजी मंडईभोवती लोखंडी पत्रे ठोकण्याचा मनमानी निर्णय पालिका प्रशासनाने तात्काळ मागे घ्यावा.

कायदेशीर हक्क मिळालेच पाहिजेत: शहरात वर्षानुवर्षे व्यवसाय करणाऱ्या पात्र पथविक्रेत्यांना कायद्यानुसार हक्क व संरक्षण मिळालेच पाहिजे.

पुणे जिल्हा अध्यक्ष संतोष सोनवणे यांची तांत्रिक व कायदेशीर बाजू:

कायद्याची पायमल्ली: पथविक्रेता कायदा २०१४, केंद्र व राज्य शासनाचे धोरण आणि सर्वोच्च न्यायालयाच्या ऐतिहासिक निर्णयानुसार व्हेडिंग झोनमध्ये अडथळे निर्माण करणे पूर्णपणे बेकायदेशीर आहे.

TVC अधिकार: नगरपरिषदेने शहर पथविक्रेता समितीला (TVC) अंधारात ठेवून घेतलेला निर्णय कायदेशीर चौकटीत टिकणारा नाही. सर्व निर्णय कायद्यानुसारच घेतले जावेत.

शिष्टमंडळाच्या मुख्य मागण्या:

१. पत्रे तत्काळ हटवा: भाजी मंडईच्या बाजूने लावले जाणारे लोखंडी पत्रे (अडथळे) तात्काळ रद्द करावेत.

२. १५ दिवसांत व्हेडिंग सर्टिफिकेट वितरण: आळंदीतील सर्व पात्र पथविक्रेत्यांना व भाजी मंडई गाळाधारकांना पुढील १५ दिवसांत 'पथविक्री प्रमाणपत्र' (व्हेडिंग सर्टिफिकेट) देण्यात यावे.

३. विशेष बैठक व इतिवृत्त: शहर पथविक्रेता समितीची (TVC) तातडीने विशेष बैठक घेऊन १ सप्टेंबर रोजी झालेल्या बैठकीचे अधिकृत लेखी पत्र देण्यात यावे.

४. इंद्रायणी घाटावरील विक्रेत्यांचे संरक्षण: इंद्रायणी घाटावरील पात्र पथविक्रेत्यांना आहे त्याच जागी व्यवसाय करण्याची परवानगी द्यावी.

५. TVC सदस्यांना सुविधा: पथविक्रेता समिती सदस्यांना अधिकृत ओळखपत्रे द्यावीत, पालिकेत समितीचा फलक लावावा आणि सदस्यांसाठी स्वतंत्र केबिन देण्यात यावी.

नगरपरिषद प्रशासनाचे आश्वासन:

संघटनेच्या आक्रमक भूमिकेनंतर आणि कायदेशीर बाबींच्या मांडणीनंतर आळंदी नगरपरिषदेचे मुख्याधिकारी महादेव खांडेकर साहेब यांनी सकारात्मक भूमिका घेतली. "येत्या ८ दिवसांत आळंदी शहर पथविक्रेता समितीची (TVC) विशेष बैठक घेऊन सर्व मागण्यांवर योग्य व कायदेशीर निर्णय घेतला जाईल," असे आश्वासन मुख्याधिकाऱ्यांनी दिले.

भविष्यातील आक्रमक आंदोलनाची भूमिका:

दिलेल्या ८ दिवसांच्या मुदतीत प्रशासनाने सकारात्मक निर्णय न घेतल्यास किंवा पत्रे हटवण्याचा निर्णय मागे न घेतल्यास,महाराष्ट्र राज्य पथारी सुरक्षा दल सह टपरी,पथारी,हाथगाडी पंचायत यांच्या वतीने आळंदी नगरपरिषदेच्या अधिकाऱ्यांना घेराव घालून सनदशीर मार्गाने 'बोंब मारो आंदोलन' व उग्र लोकआंदोलन छेडण्यात येईल,असा सडेतोड इशारा शिष्टमंडळाने दिला आहे.

लोकनेते भगवानराव वैराट साहेब सह आदरणीय बाबा कांबळे यांच्या नेतृत्वाखालील प्रमुख शिष्टमंडळ:

लोकनेते भगवानराव वैराट साहेब* (संस्थापक अध्यक्ष - महाराष्ट्र राज्य पथारी सुरक्षा दल)

बाबा कांबळे (संस्थापक अध्यक्ष - टपरी, पथारी, हाथगाडी पंचायत)

अस्माताई शेख (राज्य संघटक - झोपडपट्टी सुरक्षा दल)

दत्ताभाऊ डाडर (पुणे जिल्हा अध्यक्ष - झोपडपट्टी सुरक्षा दल)

गणेश लांडगे (पुणे शहराध्यक्ष - झोपडपट्टी सुरक्षा दल)

संतोष लक्ष्मण सोनवणे (पुणे जिल्हा अध्यक्ष - महाराष्ट्र राज्य पथारी सुरक्षा दल व TVC सदस्य)

संजय बंडे (राज्य संघटक), 

सदाशिव साखरे (सरचिटणीस - आळंदी शहर)

प्रमुख पदाधिकारी: सचिन काळे,गजानन मिटकरी,निलेश ढोकणे,ज्ञानेश्वर जाधव,इम्रान शेख,शंकर गुंजाळ,अनिता उढाफे,भारत थोरात,बळीराम यादव,राहुल कुराडे,राहुल रायबोले,दिगंबर धनगर,राजू दराडे,तुकाराम बोडरे,अरुण वावरे,प्रकाश जाधव,बाळू जाधव,हरिहर ताई.

TVC समिती सदस्य: गणेश काळे,काजल धोंडगे,मंचक यादव,तुषार नेटके,महेश जाधव,सुनिता ठुबे.

प्रसिद्धीसाठी प्रेषित:

संतोष लक्ष्मण सोनवणे

पुणे जिल्हा अध्यक्ष - महाराष्ट्र राज्य पथारी सुरक्षा दल

लोकनियुक्त सदस्य - TVC समिती,आळंदी नगरपरिषद

संपर्क: ८०८७१००३२८

Share This