भरधाव डंपरची पिकअपला धडक; दोघांचा मृत्यू 

Raju tapal May 19, 2025 58

भरधाव डंपरची पिकअपला धडक; दोघांचा मृत्यू 

शिक्रापूर :- भरधाव डंपरने समोरून येणा-या पिक अप ला जोरदार धडक दिल्याने झालेल्या अपघातात दोघांचा जागीच मृत्यू झाला. या अपघातात एक जण गंभीर जखमी झाला.

सागर संभाजी कोळपे वय - २८ रा.मांडवगण फराटा, यश सुधाकर भिसे वय -१२ रा‌.खेडवाडी ता‌. गेवराई जि‌.बीड अशी अपघातातील मृतांची नावे असून अनिल बीरा कोळपे असे अपघातातील गंभीर जखमीचे नाव आहे.

मांडवगण फराटा येथून १७ मे रोजी रात्री ८ वाजण्याच्या सुमारास वडगाव रासाई‌ गावाकडे भरधाव वेगाने जाणा-या एम एच ४२ एस इ क्यू ७६९६ या क्रमांकाच्या डंपरने समोरून येणाऱ्या एम एच ०३ ओ ई ०६३८ या क्रमांकाच्या पिकअप जीपला जोरदार धडक दिल्याने हा अपघात झाल्याचे समजले.

डंपरचालक अपघातस्थळावरून फरार झाला असून पोलीस निरीक्षक संदेश केंजळे यांच्या मार्गदर्शनाखाली शिरूर पोलीस अपघाताचा तपास करत आहेत.

          

Share This