बदलापुर-बेलापुर रुट क्र.४७या बसचे दसरा पूजन उत्साहात संपन्न.

Raju tapal October 19, 2021 44

दसरा सण मोठा, आनंदाला नाही तोटा.हा सण आपण घराघरात साजरा करतो, पण आपण रोज कामावर जाण्यासाठी ज्या वाहनाने आपण वर्षभर प्रवास करतो,त्या वाहनाच्या मनोमन ॠणात रहाण्यासाठी दस-याला पूजा करतो. असाच एक कार्यक्रम बदलापुर येथे संपन्न झाला. नवी मुंबई महानगरपालिका परिवहन विभागाकडून कार्यरत असणा-या बदलापूर-बेलापुर रुट क्र.४७या बसच्या पूजनाचा कार्यक्रम बसचे चालक-वाहक व  रोज बसने प्रवास करणारे प्रवासी यांच्या हस्ते विधीवत पूजा करण्यात आली.याप्रसंगी बसचे चालक-वाहक यांचा श्री. अशोक सर यांच्या हस्ते सत्कार करण्यात आला. दस-याच्या एकमेकांना शुभेच्छा देत बदलापुर-बेलापुर बस क्र.४७ही बस प्रवाशांना इच्छीस्थळी पोहचविण्यास मार्गस्थ झाली.प्रवाशांच्या सेवेसाठी कार्यरत असणा-या नवी मुंबई महानगरपालिकेचे आभार मानण्यात आले. अशा प्रकारे दसरा पुजन उत्साहात संपन्न झाले.

Share This