लोणीव्यंकनाथ येथील स्टेट बँक ऑफ इंडियाचे ए टी एम चोरट्यांनी फोडले

Raju Tapal November 11, 2021 40

अहमदनगर जिल्ह्यातील श्रीगोंदा तालुक्यातील लोणी व्यंकनाथ येथील स्टेट बँक ऑफ इंडियाचे एटीएम चोरट्यांनी फोडल्याची घटना घडली.

ते मशीन घेवून जात असताना गस्तीवर असलेल्या पोलीसांच्या वाहनाचा  सायरन वाजल्याने ३ ते ४ चोरट्यांनी ए टी एम रस्त्यातच टाकून पळ काढला.

विश्वास पोपट कसबे यांनी याबाबत श्रीगोंदा पोलीस ठाण्यात फिर्याद दिली.

लोणी व्यंकनाथ गावात चार पाच चोरट्यांनी स्टेट बँक ऑफ इंडियाचे ए टी एम फोडून मशीन चोरी केली. गस्तीवर असणा-या श्रीगोंदा पोलीसांच्या सायरन  वाजल्याने ए टी एम मशीनमधील २५ लाख ९९ हजार रूपयांची रोकड वाचली.

श्रीगोंदा पोलीसांनी तपासाची चक्रे वेगाने फिरवीत एका संशयितास ताब्यात घेतले. चोरट्यांनी ए टी एम रूममधील ,बाहेरील, स्टेट बँकेच्या बाहेरील असे तीन सी सी टी व्ही चोरून नेले आहेत. ए टी एम , एटीएम च्या रूमच्या दरवाजाची तोडफोड केली.

पोलीस उपअधिक्षक अण्णा जाधव, पोलीस निरीक्षक रामराव ढिकले, सहाय्यक पोलीस निरीक्षक दिलीप तेजनकर यांनी घटनास्थळी भेट दिली.

Share This