तेजस्विनी फाऊंडेशन अंतर्गत शिरूर शहरात तेजस्विनी समुपदेशन केंद्र सुरू

Raju Tapal January 20, 2022 45

तेजस्विनी फाऊंडेशन अंतर्गत शिरूर शहरात तेजस्विनी समुपदेशन केंद्र सुरू

शिरुर शहरात तेजस्विनी फाऊंडेशन अंतर्गत तेजस्विनी समुपदेशन केंद्र सुरु करण्यात आले आहे .

बीड येथील सामाजिक कार्यकर्त्या व समुपदेशिका सत्यभामा सौदरमल यांच्या हस्ते या केंद्राचे उद्घाटन झाले .

यावेळी माजी जिल्हा परिषद सदस्या शोभना पाचंगे , महाराष्ट्र फाऊंडेशन च्या पुरस्कार प्राप्त सामाजिक कार्यकर्त्या सुनिता भोसले , तर्डोबावाडीच्या माजी सरपंच वर्षा काळे ,माजी सरपंच जिजाउबाई दुर्गे ,  वात्सल्यसिंधु फाऊंडेशनच्या उषा वाखारे ,मुख्याध्यापिका स्वाती थोरात ,आदी उपस्थित होत्या.

सत्यभामा सौदरकर यांनी  समुपदेशन केंद्राद्वारे  समस्यांचे निराकारण कसे करावे याबाबत मार्गदर्शन  केले .

घरातील स्त्रीच्या कामाचे महत्व समजावून घ्या  असे आवाहन त्यानी केले . स्त्रीकडे माणूस म्हणून पाहिल्यास खूप सारे प्रश्न सुटु शकतील असे त्या म्हणाल्या .मुलांना घडविण्यामध्ये आई वडिल दोघे ही महत्वाचे असतात . दारुच्या व्यसनामुळे कुटुंबात वाद होतात . सामाजिक कार्य करत असताना सोशल मिडियाच्या जसे फेसबुक ,रील ,यु ट्युब इनन्स्टाग्राम याचा वापर करावा  .वेगवेगळी माहिती  सोशल मिडिया द्वारे महिला पर्यंत पोहोचवत आहे . खंबीर भूमिका घ्या, इतरांशी संवाद साधा, असे ही त्या म्हणाल्या .

सामाजिक कार्यकर्त्या सुनिता भोसले , शोभना पाचंगे आदींनी यावेळी मार्गदर्शन केले .

समुपदेशन केंद्राच्या प्रमुख व तेजस्विनी फाऊंडेशनच्या वैशाली चव्हाण यांनी प्रास्ताविक केले. प्रास्ताविकात त्यांनी सांगितले की, किशोरवयीन विवाहपूर्व व विवाहोत्तर समुपदेशन, वैयक्तिक व कौटुंबिक समस्यांसाठी, ताण तणाव ,एकटेपणा , नैराश्य ,विसंवाद , भावनिक वर्तन समस्या इत्यादीवर समुपदेशन केंद्रातून समुपदेशन करण्यात येणार आहे .

कार्यक्रमाचे सूत्रसंचालन ज्योती पारधी यांनी केले . वर्षा काळे यांनी आभार मानले .

Share This