"फेंगल" चक्रीवादळामुळे तामिळनाडूत हाहाकार 

Raju tapal December 03, 2024 31

"फेंगल" चक्रीवादळामुळे तामिळनाडूत हाहाकार 
पुराच्या पाण्यात वाहून गेल्या गाड्या;

"फेंगल" चक्रीवादळाने तामिळनाडू आणि पुद्दुचेरीमध्ये हाहाकार माजवला आहे. तामिळनाडूतील धर्मापुरी आणि कृष्णागिरी जिल्ह्यांतील पश्चिमेकडील जिल्हे पुराच्या विळख्यात सापडले आहेत. कृष्णागिरीला गेल्या दोन ते तीन दशकांत अभूतपूर्व पूर आला असून पुराच्या पाण्यात कार आणि इतर वाहने वाहून गेली आहेत.पुरामुळे उथंगराईहून कृष्णागिरी आणि तिरुवन्नामलाई सारख्या शहरांमध्ये रस्त्याने पोहोचणे कठीण झाले आहे. मुसळधार पावसामुळे झालेल्या नुकसानीचे व्हिडिओ फुटेज समोर आले आहे ज्यामध्ये कार आणि बस पाण्यात वाहताना दिसत आहेत. अनेकांच्या घरात पाणी शिरलं आहे. नागरिकांना वाहतुकीत अनेक समस्यांना सामोरे जावे लागत आहे.

तामिळनाडूतील विल्लुपुरम जिल्ह्याला अभूतपूर्व पुराचा सामना करावा लागत आहे. मुख्यमंत्री एम. के. स्टॅलिन यांनी सोमवारी या भागाला भेट देऊन बाधित लोकांशी संवाद साधला आणि त्यांना मदत साहित्याचे वाटप केले. विल्लुपुरममधून जाणाऱ्या सर्व रेल्वे सेवा तात्पुरत्या स्वरूपात बंद करण्यात आल्याने शेकडो प्रवाशांना त्याचा फटका बसला. सुरक्षेच्या नियमांचे पालन करून परिस्थिती सुधारल्यास सेवा पुन्हा सुरू करण्याचे संकेत रेल्वे अधिकाऱ्यांनी दिले आहेत. प्रमुख चेन्नई-तिरुचिरापल्ली राष्ट्रीय महामार्गावरील विल्लुपुरम आणि आसपासच्या वाहतुकीवरही परिणाम झाला.

विल्लुपुरम शहरातील सखल भागात पुराचे पाणी साचले आहे. आजूबाजूची शहरे आणि गावांना मुसळधार पावसाचा फटका बसला आहे. पुराचे पाणी सखल भागात गेले आहे. तिरुवन्नामलाई जिल्ह्यातील आर्णीजवळील पुलाचा काही भाग वाहून गेल्याने अनेक गावांचा संपर्क तुटला आहे. विल्लुपुरममधील विक्रावंडी आणि मुंडियामपक्कम दरम्यानचा मुख्य पूल धोक्याची पातळी ओलांडून वाहत होता. त्यामुळे दक्षिण रेल्वेने सोमवारी सकाळी त्या प्रमुख मार्गावरील वाहतूक बंद ठेवण्याची घोषणा केली. यामुळे एक्स्प्रेस आणि सुपरफास्ट गाड्यांसह अनेक सेवा रद्द करण्यात आल्या. काही गाड्या किसरकडे वळविण्यात आल्या तर काही गाड्या काही काळ थांबवण्यात आल्या.

थेनपेन्नई नदीला पूर आला असून, उत्तर किनारपट्टीवरील कुड्डालोर शहरालाही याचा मोठा फटका बसला आहे. कृषिमंत्री एमआरके पन्नीरसेल्वम यांनी या भागाला भेट दिली. तामिळनाडू आणि पुद्दुचेरीच्या उत्तर किनारपट्टीवर असलेले 'फेंगल' चक्रीवादळ सोमवारी कमकुवत होऊन कमी दाबाच्या क्षेत्रात रुपांतरित झाले, अशी माहिती भारतीय हवामान शास्त्र विभागाने (आयएमडी) दिली. फैलाल चक्रीवादळामुळे तामिळनाडू आणि पुद्दुचेरीच्या उत्तर किनारपट्टीवर निर्माण झालेले कमी दाबाचे क्षेत्र जवळपास पश्चिमेकडे सरकले आहे, असे आयएमडीने म्हटले आहे.तामिळनाडूच्या उत्तर अंतर्गत भागात कमी दाबाच्या क्षेत्रात रुपांतरित झाला. उर्वरित कमी दाबाचे क्षेत्र ३ डिसेंबरच्या सुमारास उत्तर केरळ-कर्नाटक किनारपट्टीपासून दूर आग्नेय आणि लगतच्या पूर्व-मध्य अरबी समुद्रात निर्माण होण्याची शक्यता आहे.

Share This