शिवशाही बसने दुचाकीला दिलेल्या धडकेत दुचाकीस्वार ठार

Raju Tapal December 08, 2021 32

शिवशाही बसने दुचाकीला दिलेल्या धडकेत दुचाकीस्वार ठार ; पुणे सातारा महामार्गावरील  हॉटेल अमृता गार्डनसमोर अपघात

 

पुणे - सातारा महामार्गावर वेगाने जात असलेल्या शिवशाही बसने पाठीमागून जोरदार धडक दिल्याने दुचाकीस्वाराचा उपचारादरम्यान मृत्यू झाला.

दत्तात्रय सिताराम धाडवे वय - ३० रा.सारोळा ता.भोर असे अपघातात ठार झालेल्या दुचाकीस्वाराचे नाव आहे. 

पुणे - सातारा महामार्गावर हॉटेल अमृता गार्डनसमोर हा अपघात मंगळवार दि.७/१२/२०२१ रोजी दुपारी पावणेएक वाजण्याच्या सुमारास झाला.

शिवशाही बसचालक अमित ज्ञानेश्वर करंजीकर एस टी डेपो मेढा यांच्यावर अपघातप्रकरणी राजगड पोलीसांनी गुन्हा दाखल केला आहे.

सातारा बाजुकडे जाणा-या एम एच ०४ जे के १२६९ या शिवशाही बसने पाठीमागून एम एच १२ एल बी ६५४९ या हिरोहोंडा शाईन दुचाकीस जोरात धडक दिल्याने दत्तात्रय धाडवे अपघातात गंभीर जखमी झाले होते.

स्थानिक तरूणांनी जखमीला उपचारासाठी रूग्णालयात हलविले परंतू उपचारादरम्यान  त्यांचा मृत्यू झाला.

तुषार रामचंद्र धाडवे रा.सारोळा ता.भोर जि.पुणे यांनी याबाबत फिर्याद दिली.

पोलीस नाईक गणेश लडकत अपघाताचा पुढील तपास करत आहेत.

Share This