तुर्कस्तानसह आसपास देशांमध्ये जोरदार भूकंप;

Raju Tapal February 06, 2023 149

तुर्कस्तानसह आसपास देशांमध्ये जोरदार भूकंप;

तुर्कीमध्ये आतापर्यंत 53 लोकांचा मृत्यू ;

सीरियात जीव गमावलेल्यांचा आकडा 90

नवी दिल्ली :- तुर्कस्तान आणि शेजारील देशांमध्ये भूकंपाचे धक्के जाणवले आहेत. नूरदगीपासून 23 किमी पूर्वेला भूकंपाचे धक्के जाणवले. त्याचा परिणाम सीरियापर्यंत दिसून आला. मिळालेल्या माहितीनुसार, भूकंपामुळे अनेक इमारती कोसळल्या आहेत. तुर्कीमध्ये आतापर्यंत 53 लोकांचा मृत्यू झाला आहे. त्याचबरोबर सीरियात जीव गमावलेल्यांचा आकडा 90 वर पोहोचला आहे. 500 हून अधिक लोक जखमी झाल्याचे सांगण्यात येत आहे.

मिळालेल्या माहितीनुसार, भूकंपाची तीव्रता रिश्टर स्केलवर 7.8 एवढी होती. या काळात अनेकांचा मृत्यू झाल्याचे सांगण्यात येत आहे. 16 इमारतींचे नुकसान झाले आहे. हा आकडा अजून वाढू शकतो. सॅनलिउर्फच्या महापौरांनी आतापर्यंत 15 जणांचा मृत्यू झाल्याची पुष्टी केली आहे.

यूएस जिओलॉजिकल सर्व्हेनुसार, भूकंपाचा केंद्रबिंदू गॅझियानटेपपासून सुमारे 33 किलोमीटर (20 मैल) आणि नूरदगी शहरापासून सुमारे 26 किलोमीटर (16 मैल) अंतरावर होता. हे 18 किलोमीटर (11 मैल) खोलीवर केंद्रित होते. सीरियापर्यंत भूकंपाचे धक्के जाणवले. भूकंपाचे धक्के इतके जोरदार होते की अनेक इमारतींचे नुकसान झाल्याचे वृत्त आहे. युनायटेड स्टेट्स जिओलॉजिकल सर्व्हेनुसार या भूकंपामुळे अनेक जीवितहानी होण्याची शक्यता आहे.

Share This