उभ्या असलेल्या ट्रकमधून ऍल्युमिनियमचे भंगार चोरीस

Raju Tapal December 03, 2021 54

उभ्या असलेल्या ट्रकमधून ऍल्युमिनियमचे भंगार चोरीस 

उभ्या असलेल्या ट्रकमधून १० लाख ४० हजार रूपये किंमतीचे आँर्डनन्स फॅक्टरीतील ऍल्युमिनियमचे भंगार चोरीस गेल्याची घटना मंगळवारी रात्री चाळीसगाव - नांदगाव रस्त्यावरील पेट्रोलपंपासमोर घडली.

ओडिशा येथील आँर्डनन्स फॅक्टरीतून अँल्युमिनियम तार व इतर भंगार असे एकूण २६० बॉक्स ट्रक क्रमांक एम एच ०६ ए सी ५९५१ अंबरनाथ येथे नेले जात होते. 

मंगळवारी रात्री साडेबारा ते सकाळी ६ वाजण्याच्या दरम्यान हा ट्रक चाळीसगाव - नांदगाव रस्त्यावरील नक्षत्र पेट्रोलपंपासमोर उभा होता.

त्यावेळी ट्रकच्या पाठीमागील प्लॅस्टिकची ताडपत्री व दोर कापून चोरट्यांनी साहित्य चोरून नेले.

ट्रकचालक प्रकाश उर्फ हिरामण देवचंद भोई रा.पाडळसे ता. यावल जि.जळगाव यांच्या फिर्यादीवरून चाळीसगाव पोलीस स्टेशनला गुन्हा दाखल करण्यात आला आहे.

ए एस आय भालचंद्र पाटील पुढील तपास करीत आहेत.

Share This