संजय राऊतांनी केली संजय पाटील यांच्यावर UAPA अंतर्गत कारवाईची मागणी!

Raju Tapal publisher June 25, 2026 35

ठाकरे गटातून मुख्यमंत्री एकनाथ शिंदे यांच्या शिवसेनेत प्रवेश केलेले ईशान्य मुंबईचे खासदार संजय दिना पाटील आणि ठाकरे गटाचे खासदार संजय राऊत यांच्यातील वाद आता टोकाला पोहोचला आहे. संजय पाटील यांनी विरोधकांना आणि आंदोलनकर्त्यांना दिलेल्या एका जाहीर धमकीचा हवाला देत संजय राऊत यांनी थेट मुंबई पोलीस आयुक्त देवेन भारती यांना पत्र लिहून खळबळ उडवून दिली आहे. "मी याआधी ५ लोकांना ठार केले आहे,माझ्या नादाला लागलात तर थेट स्मशानात पाठवेन आणि घरात घुसून बॉम्ब टाकेन,"असे वादग्रस्त वक्तव्य संजय पाटील यांनी केल्याचा दावा राऊत यांनी केला असून त्यांच्यावर थेट हत्येचा गुन्हा दाखल करून 'युएपीए' (UAPA) अंतर्गत अटक करण्याची मागणी केली आहे.

या राजकीय भूकंपाचे आणि राऊतांच्या पत्रातील ५ सर्वात मोठे तोफगोळे खालीलप्रमाणे:

'त्या' ५ हत्येच्या आत्मकबुलीची चौकशी करा: संजय राऊत यांनी पत्रात म्हटले आहे की,संजय पाटील यांनी "माझ्या वडिलांच्या वेळी असाच प्रसंग घडला होता, तेव्हा आम्ही ५ लोकांना मारलं होतं," अशी जाहीर आत्मकबुली दिली आहे. त्यामुळे पाटील यांनी मारलेले ते ५ लोक कोण होते? त्यांना कधी आणि का ठार केले? याची तातडीने चौकशी करून त्यांच्यावर हत्येचा गुन्हा दाखल झाला पाहिजे. 'जिवाचा विमा काढूनच आंदोलन करा' ही कसली भाषा?: "माझ्याविरोधात आंदोलन करण्याआधी जिवाचा विमा (लाइफ इन्शुरन्स) काढून या,मी सरळ तुम्हाला हॉस्पिटलमध्ये किंवा स्मशानात पाठवेन,"अशी उघड धमकी एका खासदाराने देणे हा लोकशाहीचा अपमान आहे. लोकप्रतिनिधीला जाब विचारणे हा मतदारांचा घटनात्मक अधिकार आहे,असे राऊत यांनी म्हटले आहे. घरात घुसून 'बॉम्ब' टाकण्याच्या धमकीवर गंभीर आक्षेप: "माझ्या नादाला लागलात तर घरात घुसून बॉम्ब टाकेन," या धमकीवर राऊत यांनी राष्ट्रीय सुरक्षेचा प्रश्न उपस्थित केला आहे. हे बॉम्ब संजय पाटलांनी स्वतःच्या घरात बनवले आहेत की त्यांना एखाद्या दहशतवादी टोळीकडून मिळाले? याची एटीएस (ATS) मार्फत चौकशी करण्याची मागणी पत्रात करण्यात आली आहे. देशद्रोहाच्या 'UAPA' कायद्यांतर्गत अटकेची मागणी: खासदाराकडून थेट बॉम्ब टाकण्याची आणि ठार मारण्याची भाषा होणे हे दहशतवादी कृत्य आणि राष्ट्रविरोधी कृत्यांमध्ये मोडते. त्यामुळे पोलीस आयुक्तांनी कसलाही विलंब न करता खासदार संजय पाटील यांना तात्काळ 'युएपीए' (Unlawful Activities Prevention Act) कायद्यानुसार अटक करावी,अशी मागणी राऊतांनी लावून धरली आहे. कार्यकर्त्यांच्या जिवाला धोका,कोर्टात जाण्याचा इशारा: संजय पाटील यांच्या या वक्तव्यामुळे समाजात आणि शिवसैनिकांमध्ये चिंतेचे वातावरण आहे. या काळात जर एखाद्या राजकीय कार्यकर्त्यावर किंवा नागरिकावर हल्ला झाला,तर त्याची सर्वस्वी जबाबदारी संजय पाटलांवर असेल. पोलिसांनी कारवाई न केल्यास आपण जनतेच्या सुरक्षेसाठी थेट न्यायालयात दाद मागू,असा इशारा राऊत यांनी दिला आहे.