दोन गुन्हेगार दोन वर्षासाठी जिल्ह्यातून हद्दपार

Raju Tapal March 04, 2023 126

गुन्हेगाराच्या टोळीतील दोन गुन्हेगार दोन वर्षासाठी जिल्ह्यातून हद्दपार

जळगाव शहरातील गुन्हेगाराच्या एका टोळीच्या प्रमुखासह टोळीच्या एका सदस्याला जिल्हयातून दोन वर्षासाठी पोलीस अधीक्षक एम.राजकुमार यांनी हद्दपार केले आहे.याबाबचे आदेश शुक्रवार, ३ मार्च रोजी पोलीस अधीक्षक एम राजकुमार यांनी दिले आहेत.

टोळीप्रमुख संदीप भास्कर ढोके वय २४ व टोळी सदस्य विशाल वाल्मिक जाधव वय २३ दोन्ही रा. गेंदालाल मील अशी हद्दपार करण्यात आलेल्या दोघा गुन्हेगारांची नावे आहेत. स्थानिक गुन्हे शाखेचे पोलीस निरिक्षक किसन नजन पाटील यांनी माहिती प्रसिध्दीसाठी दिली आहे.

गुन्हेगार संदीप ढोके व विशाल जाधव या दोघांविरोधात जळगाव शहरातील पोलिसात वेगवेगळ्या प्रकारचे एकूण ७ गुन्हे दाखल आहेत. या गुन्हेगारांवर वेळोवेळी प्रतिबंधक कारवाई करुन सुध्दा त्यांचे वर्तनात सुधारणा झाली नाही, त्यामुळे शहर पोलीस स्टेशनच्या वतीने या दोन्ही गुन्हेगारांच्या हद्दपारीच्या प्रस्ताव पोलीस अधीक्षक एम राजकुमार यांच्याकडे पाठविण्यात आला होता, त्यानुसार पोलीस अधीक्षकांनी या प्रस्तावानुसार गुन्हेगार संदीप ढोके व विशाल जाधव या दोघांना जिल्ह्यातून दोन वर्षांसाठी हद्दपार केले आहे. अशी माहिती स्थानिक गुन्हे शाखेचे वरिष्ठ पोलीस निरिक्षक किसन नजन पाटील यांनी दिली आहे.

Share This