विधानसभा निवडणुकीसाठी राज्यात १ लाखांहून अधिक मतदान केंद्रे 

Raju tapal November 09, 2024 54

विधानसभा निवडणुकीसाठी राज्यात १ लाखांहून अधिक मतदान केंद्रे 

मुंबई:-विधानसभा निवडणुकीसाठी निवडणूक आयोगामार्फत राज्यभरात १ लाख ४२७ मतदान केंद्रे स्थापन करण्यात येणार आहेत. निवडणूक आयोगाने शहरी भागातील मतदारांची अनास्था विचारात घेऊन गृहनिर्माण संकुलात मतदान केंद्रे उभारली आहेत तसेच ग्रामीण आणि आदिवासी भागातील मतदारांना मतदान केंद्राच्या जवळ लवकरात लवकर पोहोचावे यासाठी केंद्रांची संख्या वाढवली आहे.
 
महाराष्ट्रातील २४१ विधानसभा मतदारसंघात मुख्य आणि सहायक मतदान केंद्रांची संख्या निश्चित केली आहे. यंदा राज्यात मुख्य मतदान केंद्रे ही १ लाख १८६ असून त्यापैकी शहरी भागात ४२ हजार ६०४ तर ग्रामीण भागात ५७ हजार ५८२ इतकी संख्या राहणार आहे. सहायक मतदान केंद्रांची संख्या  २४१ इतकी आहे. यंदाच्या निवडणुकीत आदिवासी मतदारसंघ आणि दुर्गम भागांतील मतदारांसाठी विशेष सुविधा देण्यावर भर दिला आहे. गडचिरोली, गोंदिया, नंदुरबार, धुळे, आणि अमरावती जिल्ह्यात जेथे आदिवासी आणि दुर्गम भाग आहेत तेथे मतदान केंद्रांची संख्या वाढवण्यात आली आहे.
 
मतदान केंद्रांची जिल्हानिहाय संख्या 

पुणे - ८४६२, मुंबई उपनगर - ७५७९, ठाणे - ६९५५, नाशिक - ४९२२, नागपूर- ४६३१, अहमदनगर - ३७६५, सोलापूर ३७३८, जळगाव - ३६८३, कोल्हापूर - ३४५२, औरंगाबाद- ३२७३, सातारा - ३१६५, नांदेड-३०८८, रायगड-२८२०, अमरावती- २७०८, यवतमाळ - २५७८, मुंबई शहर - २५३८, सांगली- २४८२, बीड- २४१६, बुलढाणा- २२८८, पालघर-— २२७८, लातूर - २१४३, चंद्रपूर - २०७७, अकोला- १७४१, रत्नागिरी- १७४७, जालना- १७५५, धुळे- १७५३, परभणी- — १६२३, उस्मानाबाद १५२३, नंदूरबार- १४३४, वर्धा- १३४२, गोंदिया- १२८५, भंडारा - ११६७, वाशीम- ११००, हिंगोली - १०२३, गडचिरोली - ९७२, सिंधुदुर्ग- ९२१
 

Share This