देवगड- पणजी एसटीला दुचाकी धडक बसल्याने अपघात

Raju tapal April 22, 2025 63

देवगड- पणजी एसटीला दुचाकी धडक बसल्याने अपघात

अपघातात फोंडा येथील दुचाकीस्वार युवक गंभीर जखमी

देवगड :- देवगड-एसटी आणि दुचाकी यांच्यात झालेल्या अपघातात फोंडा येथील विलास भांबू खरात वय (३२) या युवकाच्या तोंडास व नाकास गंभीर दुखापत झाल्याची घटना सोमवारी सकाळी १२.३० सुमारास हडपीड पुलानजीक घडली.या अपघाताच्या संदर्भात एसटी चालक सुहास सूर्यकांत माईणकर वय (४७) राहणार कणकवली यांनी देवगड पोलीस स्थानकात  फिर्याद दिल्यानुसार मोटर अपघाताची नोंद करण्यात आली आहे.सदरची घटना २१ एप्रिल रोजी सकाळी १२.३० सुमारास घडली.

पोलिसांनी दिलेल्या माहितीनुसार देवगड आगाराची देवगड पणजी (एमएच बी-२०बी एल २९११) ही प्रवासी फेरी ही देवगड येथून नांदगावच्या दिशेने जात असताना नांदगाव हुन देवगडच्या दिशेने येणारा दुचाकी स्वार विलास भांबू खरात हे आपल्या ताब्यातील पॅशन प्रो  दुचाकी (एम एच ०७ ए सी २२२४) भरधाव वेगाने घेऊन जात असताना समोरून येणाऱ्या एसटीला धडक बसली व या अपघातात त्यांच्या नाकास तोंडास गंभीर दुखापत झाली या घटनास्थळी गंभीर दुखापत झालेल्या दुचाकी स्वारास पुढील उपचारासाठी कणकवली येथे नेण्यात आले.

घटनास्थळी देवगड पोलीस उपनिरीक्षक संतोष भालेराव ,सहा पोलीस उपनिरीक्षक राजन जाधव, फकरुद्दीन आगा,पोलीस हेड कॉन्स्टेबल महेंद्र महाडिक यांनी घटनास्थळी जाऊन माहिती घेतली व रीतसर पंचनामा केला या अपघातातील दुचाकी चालक विरुद्ध मोटार वाहन अधिनियम १९८९ चे कलम १८४बीएन्एस १२५(A) १२५( B) २८१,३२४,(४)  ३२५(५) नुसार  गुन्हा दाखल करण्यात आला आहे अधिक तपास पोलीस हेड कॉन्स्टेबल महेंद्र महाडिक करीत आहेत.

Share This