भरधाव ट्रकने दुचाकीवरील पती पत्नीला चिरडले ; बारामती - पाटस रस्त्यावरील सोनवडी सुपे फाट्यावरील घटना

Raju Tapal November 19, 2021 42

भरधाव ट्रकने दुचाकीवरील पती पत्नीला चिरडल्याची घटना बारामती - पाटस रस्त्यावरील सोनवडी सुपे फाट्यावर आज गुरूवार दि.१८ नोव्हेबरला सकाळी सव्वा अकराच्या सुमाराच्या घडली.

काळूराम गणपत लोंढे वय - ६० , शाकुबाई काळूराम लोंढे वय - ५५ रा.दोघेही देऊळगाव रसाळ ता.बारामती जि.पुणे असे दुर्दैवी अपघाती मरण पावलेल्या पती पत्नीचे नाव आहे.

आज गुरूवार दि.१८ /११/२०२१ रोजी सकाळी सव्वा अकराच्या दरम्यान मालट्रक क्रमांक एम एच १८ बी जी.०८१४ हा पाटसकडून बारामतीकडे भरधाव वेगाने निघाला होता. यावेळी सोनवडी सुपे फाट्यावर दुचाकी क्रमांक एम एच ४२ बी सी ८२३४ बारामतीच्या दिशेने निघाली होती. यावेळी मालट्रक चालकाचे नियंत्रण सुटल्याने ट्रकने दुचाकीला चिरडले.

अपघातानंतर ट्रकचालक व एकजण पळून गेला. 

मालाने भरलेल्या ट्रकच्या पुढील चाकाखाली दुचाकी व दुचाकीवरील पती पत्नी दोघेही अडकल्याने स्थानिक ग्रामस्थ व पोलीस मित्रांनी त्यांना बाहेर काढण्याचा प्रयत्न केला. मात्र ट्रकमध्ये माल असल्याने ,ट्रक चारीत अडकल्याने ट्रक जाग्यावरून हलू शकला नाही. त्यामुळे स्थानिक ग्रामस्थांच्या प्रयत्नांना अपयश आले. 

ग्रामस्थांनी पोलीसांना कळविल्यानंतर पोलीस घटनास्थळी दाखल झाले.

पोलीसांनी क्रेनच्या साहाय्याने ट्रक बाहेर काढला. परिसरातील लोकांनी अपघातस्थळी मोठी गर्दी केली होती.

Share This