कल्याण डोंबिवली महापालिकेच्या '७/ह' व '९/आय' प्रभागातील अनधिकृत बांधकामावर निष्कासनाची धडक कारवाई सुरुच !

Raju Tapal February 25, 2023 42

कल्याण डोंबिवली महापालिकेच्या '७/ह' व '९/आय' प्रभागातील अनधिकृत बांधकामावर निष्कासनाची धडक कारवाई सुरुच !
महापालिका आयुक्त डॉ.भाऊसाहेब दांगडे यांचे निर्देशानुसार व उपायुक्त सुधाकर जगताप यांच्या मार्गदर्शनाखाली ७/ह प्रभागाचे सहा. आयुक्त सुहास गुप्ते यांनी डोंबिवली पश्चिम कोपर क्रॉस रोड, जैन मंदिर शेजारी *बांधकामधारक नुरसिंग राठोड यांच्या तळ + ६ मजली अनधिकृत इमारतीच्या स्लॅब बांधकामावर* निष्कासनाची धडक कारवाई काल दिवसभरात  केली. *सदर कारवाई अनधिकृत बांधकाम नियंत्रण विभागाचे अधिक्षक अरुण पाटील व इतर कर्मचारी, महापालिका पोलिस कर्मचारी, विष्णुनगर पोलिस स्टेशनचे कर्मचारी यांच्या मदतीने आणि ४ काँक्रीट ब्रेकर व २० मजूर यांच्या सहाय्याने करण्यात आली.
तसेच ९/आय प्रभागातही सहा. आयुक्त हेमा मुंबरकर यांनी द्वारली येथील बांधकामधारक कमलेश दुबे यांच्या तळ + ४ मजली अनधिकृत इमारतीच्या बांधकामावर निष्कासनाची धडक कारवाई काल दिवसभरात केली. सदर कारवाई अनधिकृत बांधकाम नियंत्रण विभाग व फेरीवाला हटाव पथक कर्मचारी, महापालिका पोलिस कर्मचारी यांच्या मदतीने आणि २ ब्रेकर, १ पोकलेन, १ जेसीबी व १० कामगार मजूर यांच्या सहाय्याने करण्यात आली.

Share This