संगमेश्वरजवळील तुरळ येथे मनसे कार्यकर्त्यांच्या कारला भीषण अपघात..

Raju Tapal May 06, 2023 42

संगमेश्वरजवळील तुरळ येथे मनसे कार्यकर्त्यांच्या कारला भीषण अपघात.. 
उपशाखाप्रमुखाचा मृत्यु... 
संगमेश्वर:-रत्नागिरीत आज होणाऱ्या मनसे प्रमुख राज ठाकरे यांच्या सभेला मुंबईहुन रत्नागिरीला जाणाऱ्या इनोवा गाडीला तुरळ जवळ झालेल्या अपघातात एकाचा मृत्यू तर पाच जण जखमी झाले आहेत.
या बाबत संगमेश्वर पोलिसांनी दिलेल्या माहितीनुसार मनसे प्रमुख राज ठाकरे यांची आज रत्नागिरीत जाहीर सभा होत आहे. या सभेसाठी राज्यातील विविध भागातून हजारो कार्यकर्ते रत्नागिरीत दाखल झाले आहेत. यापैकीच मुंबईहुन  इनोवा कारने  (MH 43 V 9201)  देवेंद्र जगन्नाथ साळवी (वय ४१) हा ५ सहका-यांसह रत्नागिरीत येत असतांना तुरळ येथील सद्गुरू सेवा केंद्राजवळ चालकाचा  कारवरील ताबा सुटला आणि अपघात झाला.
जखमी अवस्थेत देवेंद्र यांना रुग्णालयात नेत असतांनाच रस्त्यातच त्यांची प्राणज्योत मालवली. गाडीतील सहप्रवाशाना किरकोळ जखमी अवस्थेत रुग्णालयात दाखल करण्यात आले आहे.*
देवेंद्र साळवी हा मुंबईतील मनसेचा सक्रिय कार्यकर्ता होता. त्याच्या निधनाची बातमी समजताच मनसे नेते नितीन सरदेसाई; बाळा नांदगावकर आदीनी रुग्णालयात धाव घेतली. या निधनामुळे मनसैनिकात शोककळा पसरली आहे.

Share This